菊梓喬慘情歌句句入肉

菊梓喬（Hana）日前為TVB娛樂新聞台節目《StarTalk》任嘉賓，大談推出新歌《隨意瞞》感受，她謂：「一見到歌詞，使唔使咁度身訂造呀？句句都好似經歷自己每段感情咁。通常都覺得被騙係受害者，但其實自己有得揀離開，就係因為唔捨得，連自己都呃埋自己，呃自己先至最痛。（有邊次被傷害得好深？）有一次拍拖幾年之後，先至發現對方原來一直都有個女朋友，自己無啦啦成為第三者。」Hana表示不喜歡以感情事作話題，不過如果有一段長久而穩定的關係，她樂於公開。