陳欣茵遊泰 日日按摩

無綫藝員陳欣茵日前到泰國的曼谷、芭堤雅旅行，她坦言3年沒有旅行，再出發特別興奮。首次到芭堤雅的她除了住Resort、曬太陽及游水外，還與友人租電單車遊覽，笑言去5日按摩按足5日，不過行程既歎又Chur，她說：「試過有一日喺曼谷足足有10個行程，真係好誇張，撞啱當地嘅特別節日水燈節，有得放天燈、水燈同煙花，都幾得意。」她指今次更一嘗穿泰服的滋味：「我覺得啲泰服仲靚過和服同韓服，自己仲學咗幾句泰文，買嘢嗰陣不停講價！」