日本家庭樂被困3粒鐘陳嘉慧遇11車串燒大難不死

正在放假的陳嘉慧身在日本，前日駕車與家人到靜岡縣度假時，在高速公路遇到11車連環相撞車禍，尾隨的她緊急煞車逃過一劫，嚇破膽高呼：「一線之差，大難不死，真係好彩！」

無綫小花陳嘉慧（Erica）12歲時跟隨家人到日本生活、讀書，日前終於有機會返「家鄉」日本東京探親。隻身在港的她近年備受無綫重用，更一劇接一劇，擔正女主角。已有3年沒有回日本的她，本來非常開心，每天陪家人享受家庭樂，又相約同學敍舊，不過前日駕車與家人到靜岡縣出遊時，於吾妻山隧道遇到11車連環相撞車禍，當時其座駕緊隨其後，幸好她及時急煞避過死神，雖然與家人沒有受傷，但亦被嚇親，猶有餘悸。

受驚嗌恐怖

Erica接受本報獨家訪問時表示：「當時喺高速公路，啲車都幾快，我前面啲車突然連環相撞，都幾大聲，真係好驚、好恐怖！當時我只係見到啲車全部玻璃爆晒、前面幾架車有人受咗傷，喺隧道入面困咗3個幾小時，好在屋企人都冇事，我都係第一次咁樣親身感受。最近多咗好多人出去旅行，真係要小心啲，注意交通安全。」