謠傳個唱取消 楊千嬅任網民惡搞 Po綵排相「定驚」

近年轉戰內地的楊千嬅，為跟香港歌迷再聚，將於本月17、18日在亞博舉行《B minor Music Live 2022》演唱會，「嬅迷」期待睇騷之際，前晚網傳一張「楊千嬅演唱會宣布取消」圖片，更傳出門票銷情不似預期而有金融機構「送飛」，其後證實那只是2年前的舊演唱會宣傳照，疑有人生安白造。

千嬅老公兼經理人丁子高受訪，澄清純屬流料：「唔知點解忽然有好多行家咁問，並唔係事實，謝謝關心！」他大派「定心丸」稱個唱仍進行中，並呼籲：「大家別誤信網上傳言。」問可會向「滋事者」作出行動，他不慍不火說：「我哋唔會有咩行動，惡搞係網民樂趣，呢10幾年見唔少。」更指見慣風波的千嬅絲毫未受影響，EQ非常高：「佢有時仲會Share番畀我，基本上大家有共識澄清咗就OK，佢呢排專心練歌準備，心情幾好，見佢胃口直頭唔錯，要提住佢先記得食少啲。」而千嬅亦在社交網上載綵排照，用英語寫上「少於14日」，可見她亦十分期待。

同樣忙綵排首個香港演唱會的吳若希，落力在網上宣傳，連過去12年的「黑歷史」亦擺上枱，包括撞樣AV女優、陳年「飛機場」水着照等，她承認年輕時性格火爆，但現時EQ提高不少。有網民「挑機」貼出售票頁面指其個唱滯銷，她大方說：「謝你幫我宣傳。」贏得網民力撐，又代為澄清已賣出8、9成飛。另有網民留言：「送飛都唔睇啦，唔該到時宣布埋離婚。」她幽默回應：「你咁期待我宣布離婚嘅？你係咪好想娶我呀？唔好啦！」至於可會邀「勁敵」菊梓喬任嘉賓，她表示有考慮，但聽聞對方屆時不在港。