琦溫斯莉慨嘆社交網得人驚

英國女星琦溫斯莉（Kate Winslet）受訪時談到作為家長對社交網站的看法：「對家長嚟講係好得人驚，因為我哋根本唔知嗰度有咩。我哋唔再知道佢哋（子女）朋友圈子發生咩事，因為好多係喺手機入面。呢個世界你愈鑽落去就愈黑暗同複雜，啲細路係愈難面對。我諗因為依家嘅細路可以好早就擁有手機，可以接觸到一啲佢哋情緒上未識得處理嘅嘢。我希望我哋政府會解決呢個問題，希望啲平台喺某啲歲數之前係禁止使用，亦希望保安檢查更加嚴謹。」