昔日東方蔡思貝重女輕男 開P唔預胡鴻鈞
視后蔡思貝、港姐冠軍林鈺洧、梁超怡及徐麟等昨日出席商場聖誕慈善活動，為腦退化症患者送祝福，思貝透露外婆近年亦患上該病症，幸雙方屋企住得近，故除了請工人姐姐，媽咪及一眾親戚也會輪流照顧。正在放假的她，不諱言也心郁郁想出埠，但另方面又不想拋低家人，令其相當矛盾，最後決定留港陪家人：「我個心願係儲到錢同屋企人去旅行，因為哥哥長期喺蘇格蘭，希望一家人聚埋一齊。」
徐麟鬆懈見肚腩
與胡鴻鈞關係一直疑幻似真的思貝，問到現時雙方關係，思貝卻不斷避談：「係朋友，佢最近返咗嚟，都有見面食飯，講吓近況。（聖誕節會唔會約埋慶祝？）到時會約一班好姊妹開派對，全女班，如果有個男仔加入會好唔夾。」而面上生滿粒粒兼有小肚腩的徐麟，尷尬表示近期忙於修讀政治及公共行政學系博士二年級課程，加上賽後心情放鬆食欲大增所致，承諾會努力做健身減磅。問到賽後可有與無綫簽約？徐麟表示：「仲未，所以暫時未有其他幕前工作，考慮緊時間分配問題。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
