朱晨麗處女獻聲朱敏瀚全裸任睇

朱晨麗（朱朱）在《輕．功》首次獻聲，監製黃偉聲說：「《有一天我會》呢首歌原唱唔用得，本身唔清楚朱朱歌喉，佢話可以返去練習吓，原來佢唱得好好。」朱朱開心被發掘唱歌天分：「平時好鍾意唱歌，但遇唔到一個合適嘅平台同機會，要多謝監製畀機會，感恩！」她透露首次抱BB演戲，故打醒十二分精神：「今次體驗咗湊BB嘅生活，好似實習咁，以後就好有經驗。」

朱朱與朱敏瀚有感情戲，其中一場戲男方要全裸上陣做人體素描模特兒，朱敏瀚表示拍攝時疫情嚴重，要在家用有限資源健身。問到可有被朱朱睇全相？他笑言：「觀眾睇幾多，佢就睇到幾多，合約包嘅。」