楊明遙距落訂氹女友莊思明與黑柴一眼傾情

莊思明是愛狗之人，由出世至今身邊都不乏狗狗陪伴，高峰期家中同時養有11隻狗，現時她飼養5隻狗，其中以現年6歲的黑色柴犬Haru最得她寵愛，而Haru亦是男友楊明送她的第一份禮物。她表示：「當年啱啱拍拖，有次同阿楊行過寵物店，其實當時冇諗過要再養狗，因為屋企已經有4隻狗，我見到Haru好安靜咁匿喺角落，好似好慘咁，於是我叫職員抱出嚟畀我望吓。」

懂讀人心彼此最夾

當天思明返到屋企，念茲在茲的便是狗狗的樣子和望着她的眼神，她說：「第二朝起身我同阿楊講，我好掛住隻狗，當時阿楊已經去咗深圳工作，佢就搵咗一個朋友幫手去寵物店落訂，跟住打畀我話：『隻狗係你㗎喇，你快啲去接佢。』我真係好開心。」

思明指對Haru可謂一見鍾情，第一眼已經有種「就係你喇」的特別感覺，而Haru亦彷彿看透她的心意，跟她非常之夾，開心、不開心都被Haru一眼看通，令思明大感窩心。