馬詩慧靠個「窿」 接受同志女兒

馬詩慧早前為王賢誌主持的J2台節目《仔仔一堂》任嘉賓，大方分享從抗拒到接納女兒是同性戀的過程：「我諗我係一個幾傳統嘅媽咪，都想小朋友結婚生仔。初頭係我自己Sense到，佢喺美國返嚟放暑假，成日用電腦同個女仔傾偈，我就問佢，佢初頭唔認，直至有一日佢話係鍾意女仔，我淨係同佢講：『你睇定啲先，遲啲可能鍾意番男仔』。」但後來靠一個「窿」想通，她說：「有次去做按摩，張床咪有個窿嘅，喺個窿度突然感到有人講：『你要開始接受，因為呢樣嘢會影響你同個女嘅關係。』我之後就覺得要Let Go喇。」她又大爆老公王敏德最接受不到是女兒打扮性感。