絕處逢生珍惜擁有陳山聰：最錯係感情事！

入行30年的藝人陳山聰今年一口氣推出6套劇包括《超能使者》及《美麗戰場》，套套成熱話，在台慶頒獎禮獲15項提名成為全台之冠，以強勢姿態「聰」擊視帝寶座。他接受本報專訪稱未來10年難再有「1年6劇」，想不到所演的劇集會因不同原因，碰巧在今年播映，以3部劇集角逐視帝的他，認為《下流上車族》的林敏驄勝算最高：「我能入5強，成績已好靚，經過5年公司畀機會，觀眾對我嘅認同，呢個已經係心靈上好大鼓舞。」

講到眼濕濕

幸福家庭令山聰充滿無窮能量經營事業，更因從低潮困谷出來，令他更珍惜現時的一切，他眼濕濕的說最錯的一次：「最錯係感情事，影響我好多，唔知係咪演員關係，情感放得太豐富，如果十幾廿年前有個仔我又會點？係咪一樣咁珍惜真係唔知，依家因為經歷知應該點做，個仔令我太快樂。」兒子雖是他的爆淚點，但也是快樂泉源，他更感恩有個賢內助，在《超》劇中滿口鄉音的演出，太太應記一功：「我一出聲觀眾就笑，拍之前太太不停同我練，叫我要講到觀眾聽得明為止。」

另外，前晚他和《超》劇演員飯敍，他說感謝監製安排「最強Body女神」劉穎鏇在《超》劇及《隱形戰隊》成CP，希望以CP姿態搵真銀！近日躋身網上搜尋「人氣票后」15強的劉佩玥，指林盛斌是她的老師，教她理財之道。