梁靖琪新劇喪打 驚囝囝模仿

梁靖琪擔演的劇集《蝕日風暴》在HOY TV播出，與兩大型男張智霖（Chilam）及王陽明合作，問會否心跳加速？她笑說：「同Chilam合作過好多次，今次係第一次有對手戲，講我暗戀佢，所以要代入角色，好傾慕佢，但都冇唔記得對白，哈哈！」而王陽明身上的紋身好似她的老公，故甚有親切感，但一見面就打到飛起。她指所有動作戲都親身上陣，除克服恐懼被活埋外，又花了大半年操Fit身手，她有興趣繼續做打女：「拍嗰陣未做媽咪，但依家做咗媽咪，可唔可以仲衝得咁犀利呢？」又笑言不敢讓兩個囝囝捧場，怕有樣學樣郁手郁腳，至於會否追多個，她說：「如果一定生女就想，但收身好辛苦，三年抱兩，老公都驚，話夠喇！」