訓練班同學揭多年秘密黎諾懿曾暗戀定欣衰自卑唔敢追

胡定欣與訓練班同期同學黎諾懿齊齊獲頒無綫員工20年服務獎，黎諾懿大爆當年暗戀定欣，但因為未有事業，一直放在心裏，不敢追女神。

藝人胡定欣、黎諾懿、黃翠如、朱千雪等前晚出席無綫長期服務暨傑出員工榮譽大獎頒獎典禮，定欣及黎諾懿同樣獲頒20年服務獎，定欣憶起當年在訓練班跟黎諾懿合演古裝劇考試，黎諾懿自嘲：「我應該考得唔係咁好，因為定欣一出道就有角色，我就行行企企好多年。」定欣認為每個人都有不同的路，開心黎諾懿做到想做的事：「有日睇到佢主持節目，我即時錄音畀佢，冇諗過佢廚藝咁叻，可以發揮喺工作上。」黎諾懿收到錄音甚為感觸，會保存聲帶，將來訪問定欣時播放。

定欣坦言見到黎諾懿事業有成又有家庭，希望自己將來也可以，問黎諾懿會否介紹筍盤？他說：「佢唔需要我介紹，佢大把有得揀！」又突然自爆讀訓練班時已喜歡對方：「不過我放喺心入面放到好Deep，一直冇講。（咁鍾意又唔娶佢？）Timing好重要，我當時冇事業，點敢追女神，所以錯過咗一段美好姻緣。」

朱千雪有戲癮

朱千雪與黃翠如獲頒10年服務獎，千雪表示10年比她想像中過得快，早一、兩年還覺得自己是新人。近年轉戰法律界的她，跟無綫仍有合約，坦言仍有戲癮：「久唔久睇劇都會諗，如果呢個角色由我演會點，不過太耐冇拍劇，唔知觀眾接唔接受到。」

另外，翠如老公蕭正楠明年偕區永權、伍仲衡開演唱會，計劃邀她任嘉賓，翠如說：「我怕我唱歌會成為廁所位，觀眾走一半，大家都知我出名難聽，每次唱K都只負責食嘢。」