出動200萬私己錢 張敬軒成立基金 助年輕人追夢

昨日張敬軒連踩兩場活動，他先出席青年創意比賽活動，透露當初做網上節目《軒公敲碗》時，得到公司長期「開庫」獲批資金，而人生起步資金5萬元也是由媽媽借出，故明白「起步資金」的重要性，明年將成立獎學基金助年輕人追夢，首批獎學金達200萬元：「資金都係來自我嘅演藝工作。」

提到他打入叱咤「我最喜愛的男歌手」最後5強，力敵MIRROR四子姜濤、Edan、Anson Lo及Ian，他笑言：「阿媽笑我一把年紀同後生仔爭獎。」入行20年的他自認是中年代表，要為中年人爭氣，不過今年派台歌不多，爭獎信心不大，但有機會攞獎會珍惜。

之後軒仔與鄭嘉穎、曹敏莉、名媛陳小寶和陳細潔等出席另一活動，軒仔透露主演電影《超神經械劫案》早前煞科，近日收通知要補拍他跟魏浚笙、白只的裸跑戲，要再露「股罅」，但因近日氣溫驟降，他擔心會「縮」：「縮咗唔好睇。（邊度縮）肌肉密度縮呀！」

至於即將再做老竇的嘉穎，興奮表示第3胎是上天所賜，一直很想有個大家庭，覺得陪小朋友成長最開心，會推掉返內地工作，專心陪老婆陳凱琳，但不肯透露老婆的預產期。問到可想過中「四重彩」？他說：「老婆話夠，生完先講，順其自然。」身旁的陳細潔表示：「湊2個小朋友好辛苦，3個仔更加忙。」疑露口風陳凱琳又佗仔，陳小寶即醒目說：「未知㗎，可能啫！」