背住監製 自把自為 吳若希麥美恩等入雪櫃

麥美恩（Mayanne）與吳若希（Jinny）昨日出席邵氏出品的真人騷節目《女王的密令》記者會，兩人在節目中榮升經理人帶領8位仔仔參賽者接受訓練，高層兼節目監製樂易玲也有現身。

Mayanne與Jinny非常搞鬼，模仿樂易玲打扮示人，Mayanne笑言：「樂小姐搵我哋做呢個節目可能想畀機會我哋自肥，公器私用。」她自爆拍攝期間教到喊：「其中有人覺得自己懷才不遇，觸動到我嘅情緒，我好嬲豬，因為我都係輸咗港姐，但我冇放棄，我都唔係一開始就做大騷司儀，其實佢哋有呢個節目，比其他人已經好好多。」

2人講到在拍攝途中，樂易玲會現身其中一集節目檢視幾位仔仔的訓練成果，兩位主持坦言很有壓力，Jinny解釋：「我哋真係勁緊張，因為拍攝嘅時候樂小姐唔喺香港，我哋好大膽咁去做，好怕佢返到嚟發現個節目貨不對辦，我同Mayanne都怕畀人雪。」Mayanne自言怕節目出街後得罪完樂小姐，再得罪觀眾及網民，Jinny則最怕之後的首個個人演唱會變成告別演唱會。