菊梓喬講起吳卓羲標晒汗

菊梓喬、馮允謙、蕭正楠、區永權、伍仲衡等昨日錄影《勁歌金曲》，日前36歲生日的菊梓喬被問到緋聞男友吳卓羲可有送禮物？她說：「有講生日快樂，禮物就冇送。（冇詐型？）唔好客氣。」講到她早前上載內地沙漠相令外間猜測她返內地與吳卓羲見面，她支吾以對，不斷遊花園，講起男方更愈講愈Hot：「我返去做嘢，但係封咗城成個月。（見到吳卓羲？）好熱、好熱，我就嚟出新歌。唔識答。（同吳卓羲一齊去沙漠？）唔係，我去玩車啫！（佢都有去沙漠？）我唔知呀，好熱呀、出汗喇、甩妝喇，唔係一齊去。」隨後內地開音樂會及過聖誕，可會又見吳卓羲？她說：「唔會！」