靠兄弟做軍師馬國明婚展取經未擺酒先收人情

藝人馬國明及黃嘉樂夫婦昨日現身有關新婚資訊的活動，早前表示有意明年與女友湯洛雯結婚的馬國明，稱已收到不少朋友的祝福：「希望佢哋除咗預早祝福外，都可以預早畀定人情，哈哈！」他坦言婚禮細節仍未有定案，一切要跟女友從長計議，但並不擔心，因有已做人夫的好兄弟林子善及黃嘉樂幫忙。

暖男包辦家務

提到近日與湯洛雯搬新屋，馬國明表示終於整理得差不多，問到是否成為一家之主？他表示：「唔係，我最近唔使開工，負責家頭細務。以前太依賴阿媽，依家要學習。（有冇蝦碌事發生？）一定有，洗衫時試過將女友嘅衫染咗色。（同居有冇摩擦？）暫時OK，都係開心。（有冇壞習慣要改？）冇乜特別壞習慣。我依家最叻係洗碗、洗衫同倒垃圾。（煮飯呢？）女友叻啲，但大家都比較少下廚，因為執屋已經好攰，都係煮麵、打邊爐或者叫外賣多。」

黃嘉樂恨生兔BB

至於黃嘉樂與攝影師太太Samantha今年8月拉埋天窗，問到是否有好消息宣布？Samantha直言工作繁忙，要待農曆新年後才有時間，笑言要老公約她，她全力配合：「佢又迷信呢！」嘉樂即指兔BB跟肖馬的他很夾。