張馳豪大聲示愛 姚焯菲自薦做囡囡 陳瀅嚇到彈開

「聲夢」歌手姚焯菲與張馳豪前晚合作開騷，請來陳瀅、林二汶及潘靜文擔任嘉賓。兩人除了跳唱外，Chantel騷琴技，Aska則穿背心騷強勁臂彎彈結他。男方全晚表現感性，3度哽咽，反而Chantel非常硬淨。

Aska感慨時光荏苒，父母老了不少，說時強忍淚水，在Encore環節中更一度爆喊，自言很多人覺得他冇資格開騷，排練期間曾經崩潰痛哭，最後以英語多謝一直支持他的女友，並高呼「I love you」。

受訪時，Chantel坦言雖沒在台上哭泣，但落台即忍不住淚水：「台上冇喊係因為當時個腦轉唔到。」問Aska為何如此感性？他說：「可能因為準備個騷好大壓力，唔想浪費咗個機會，亦唔想拖累Chantel。」

陳瀅跟兩人合唱劇集《美麗戰場》片尾曲《沒法等你》，Chantel笑言如果演《美》劇續集，想演陳瀅與Aska的女兒，嚇到陳瀅彈開大叫：「咁大鑊！」陳瀅表示首度上台獻唱，心情緊張：「我冇諗住轉行，今晚嚟純粹搞氣氛，樂小姐（樂易玲）話『你下次可以去登台』。」

另外，有傳Chantel身價僅次炎明熹，出騷價達10萬元，其經理人表示根據不同工作性質，酬勞亦有所不同，但承認Chantel的活潑可愛形象深受廣告商歡迎，暫時工作以商場騷為主。