昔日東方摸PetPet：粗眉大眼有母女相 黃嘉雯餅印狗 患「分離焦慮症」
前港姐黃嘉雯領養兩年的松鼠狗Doxy今年4歲，活潑可愛，原來Doxy當初相當驚青怕人，她花了一段時間才成功融化愛犬。相處日久，她笑言與愛犬愈來愈似樣，同樣粗眉大眼，甚有母女相。
黃嘉雯（Carmaney）很喜歡狗狗，養寵物前報讀了半年寵物美容師課程，再經過深思熟慮才決定飼養，松鼠狗Doxy自此成為家中一分子。Doxy現時活潑好動，經常黐住主人，與初相見時簡直是兩回事，Carmaney說：「第一次見佢，佢唔係咁鍾意我，好驚青，見到我就匿埋、狂吠，返到屋企初期只係坐喺門口角落唔肯入屋，用咗兩、三星期先融化到佢。之後帶佢出得街多，開始冇咁驚人，性格都改變咗，變得好活潑。」
將冰山劈開之後卻有另一煩惱，因愛犬有「分離焦慮症」，每當她離開屋企，牠就開始狂吠，吠到她回家為止，她說：「慢慢畀佢知道我係會返嚟，由分開5分鐘慢慢加到半個鐘、一個鐘，到依家佢唔驚。」
唔急為愛犬搵伴
物似主人形，與Doxy相處日久，Carmaney覺得與愛犬愈來愈有母女相：「狗仔好少有眉毛，佢條眉好似我，又眼大大，好多人都話我哋母女好似樣。」問到會否為Doxy找個伴？她說：「自己一個人住有啲困難，將來有家庭再考量，但都一定只會領養，唔會買，領養除咗可以救到佢哋，亦知道基本性格。」有狗萬事足，她看着Doxy便覺很治愈：「狗狗好忠誠，唔會出賣你，亦只係愛你一個，佢嘅世界只有你，世上唔會搵到一個人淨係諗住你。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
