魏浚笙恨出埠拍《膠戰3》

藝人魏浚笙（Jeffrey）即將再為ViuTV主持節目《膠戰3》，笑言等開拍等到望穿秋水：「好開心同期待，希望可以去世界各地拍攝！（想去邊？）邊度都唔拘，但公司話要遲啲先得，可能離境政策再放寬少少先。」至於再拍劇，Jeffery坦言：「如果再有梗係好，依家傾緊啲電影，但未落實。（出唱片呢？）開始揀歌，出道做歌手希望係明年嘅事，有眉目嘞！（想先出快歌定慢歌？ ）慢歌，因為我有少少手腳唔協調，但都想出跳唱歌畀大家醒吓神。」