丁子朗克服恐懼 對標本做戲

丁子朗在無綫台慶劇《法證先鋒V》飾演有「戀屍癖」的天才，為配合角色而接觸真實松鼠標本，在其中一條花絮片中，他一臉驚青地對着標本喊驚，又不敢直視，但到正式拍攝時，他即專業地認真演戲。不過，事後他坦言很可怕：「我真係好驚，但又要做到好鍾意咁，真係好大挑戰！因為縫嗰下係縫落個標本度，所以真係要克服恐懼。」他指角色與其真實性格有很大差異：「角色係一個好冷靜同寡言嘅人，同埋有戀屍癖，同我之前嘅角色好唔似，係入行以嚟最喜歡嘅角色之一。」