孖張馳豪開騷 趕頭趕命 姚焯菲補鐘特訓 靠嘉賓打救

《聲夢》學員曾總動員15人一同開騷，Chantel坦言當初以為今次演出亦是全體學員上陣，沒想過只有她與Aska，由接獲通知到開騷不到2個月，時間相當倉促，故需加倍努力練習，她說：「唱歌要加強磨練，表現要更加好，啲歌都係上星期先定，成件事好趕。（請嘉賓？）有打算，但未確定，都係公司安排。（嘉賓幫手救場？）係呀！依家我哋係互相幫助，最擔心係唱歌，因為個騷2個鐘，冇試過一晚要夾埋唱30首歌，呢樣嘢好需要練，練習比平時多好多倍，以前一星期一、兩堂，依家差唔多每日都去。」

Aska則表示以往開騷「柴娃娃」，可以分擔緊張及傾偈，如今只有他與Chantel感不慣，問到年紀較大的他能否安撫Chantel的緊張情緒？他說：「我都係新人，一齊面對大挑戰，其實係又興奮又緊張。（問前輩意見？）佢哋都係叫放鬆啲，一步一步去做就可以。」與「人氣王」炎明熹感情要好的Chantel，也有向對方請教舞台經驗。