娛樂

「佢唔會害我!」陳展鵬靠老婆解心結 開竅轉性

陳展鵬曾經很介意別人的批評,現時則學會從中學習。 陳展鵬曾經很介意別人的批評,現時則學會從中學習。
陳展鵬曾經很介意別人的批評,現時則學會從中學習。
視帝陳展鵬婚後「開竅」,待人處事變得隨和,他感激太太令他想通,不再介意公開私生活。對於新劇造型被網民狠批,他毫不介意,只希望跳出被定型的框框。
展鵬待人處事曾經很有自己一套,與記者溝通恍如隔了一道鴻溝,近年卻180度轉變。他在無綫台慶劇《超能使者》角色縮骨兼市井,又被拍檔唐詩詠「除褲」兼穿透視裝變「孖膶腸嘴唇」,不過他收放自如,摒棄昔日小生形象。
脫胎換骨的展鵬,歸功於太太單文柔:「佢哋呢代好叻,識得多角度睇事物,而我呢輩就淨係識做嘢唔好怕蝕底,好彩兩夫妻間,佢會聽我講,我會去了解佢。佢係我最親嘅人,即使唔啱聽都一定唔會害我,咁對我待人處事梗係有影響啦!曾經有位前輩提醒我,做得呢行邊個冇遇過批評,要更上一層樓就必須打開心結,永遠耿耿於懷,真係搞唔掂。」
支持單文柔闖事業
他形容未開竅的自己是關上門避開流言是非,整個人「似吸咗入黑洞」﹕「所以外界會覺得我好唔Funny,但我入行時啲阿哥、阿姐級演員拍戲就拍戲,唔會攞屋企嘅出嚟講。最初太太想放啲家庭生活照上社交網,我都覺得:『點解要咁?呃like呀?』但依家明白只係分享嘅一種,大家鍾意咪攞啲相嚟用囉,最緊要開心啫!」他亦鼓勵太太不要失去私人生活:「突然間要建立自己嘅家庭同做媽媽喎,我同佢講一定要有自己嘅生活同事業發展,時間上搞唔掂,咪搵屋企人同我幫手囉!」
展鵬最近在《超》劇的角色草根,仆心仆命照顧家人,最終卻失去家人及患上精神病,他表示:「香港家庭呢啲問題屢見不鮮,處理得唔好,一點火就爆。(你咁幸福!)嘩,真係唔敢講,我依家有頭髮啫,點知遲啲會點?盡量互相遷就啦!」他又主動提到角色造型被網民狠批「好殘、頭髮唔掂」,他卻毫不介意:「我覺得做演員應該要立體啲,今時今日唔應該被定型,觀眾都希望睇戲多啲選擇、多啲元素。」前晚一集交代失意的他「食狗飯」,表現獲觀眾好評,他大為感恩:「要進步就要接受批評,觀眾好似家人咁督促我嘅成長。嗰場戲最難過係第一Take啫,不過接下來畀詩詠狠摑,我真係暈暈哋,同埋牙骹位爆咗少少微絲血管囉!」
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500