昔日東方叱咤刁鑽換飛 「姜糖」疑特權畀錢買
人氣男團MIRROR有6位成員打入《2022年度叱咤樂壇流行榜頒獎典禮》「我最喜愛男歌手」十強位置，鏡粉瘋狂撲飛，以求當晚親身支持偶像。近日有平台舉行玩遊戲換飛活動，但玩法難度極高，要先付費成為會員，又要交易滿100元以上換一次抽字牌機會，要集齊7個字牌及到指定地點排隊取籌，才能參與遊戲抽飛，意味抽飛要花錢及時間外，還要講運氣不重複字牌，保守估計最少1,000元才有機會換到門票。
於一票難求情況下，近日有網民爆料指有姜濤粉絲「姜糖」竟能直接畀錢買入場門票，並表示：「你哋咁玩，其他人點夠你哋玩呀？我哋通排都拎唔到籌去玩遊戲，你哋就直接『特別技巧』買飛，啲糖拎住5隻字就去買兩張百搭卡，直接買飛，玩晒啦！有興趣直接課金就DM（訊息），我哋就成班傻婆咁，黐線！」意指有「姜糖」付費直接購買所需的字卡並換飛。該網民更貼出疑似「姜糖」於群組的對話截圖佐證。有網民指此舉或減低其他歌手的粉絲入場機會，直接影響現場投票的賽果，有欠公平。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
