昔日東方李佳芯否認拍拖
盛傳有新戀情的李佳芯身穿露背晚裝，提到在日本被目擊與圈外男撐枱腳，她否認拍拖：「點解要恭喜我呀？我唔係拍拖。」她透露是獨自到日本旅行，指好多朋友移居日本，成個旅程有男有女一齊食飯：「大家唔使咁驚訝，嗰個係喺日本嘅朋友。」她又笑說：「我知道大家好擔心我冇人要，不過我唔心急，隨緣，唔想強求。」她否認自己好多選擇，他日拍拖也會公開：「呃唔到人，拍拖大家一定會知。」
至於封胸上陣的高海寧被指太密實，她笑說：「今日我好性感，條裙係透視。（你打晒底！）唔打底唔得喎，驚嚇親人，我覺得條裙好靚，之前睇中咗同造型師提過，尋日佢拎畀我，真係勁開心。」由於條裙太貼身，她兩日都不敢食澱粉質。她跟李佳芯及馬國明等人同一組，坦言好想抽到大獎，如果中獎有機票大家可以一齊去旅行拍節目。對於日前在無綫台慶晚宴上，她坐在總經理隔籬，被指地位提升，她說：「真係咁嘅咩？公司安排我坐，我都講過公司係好有誠意簽我返嚟，希望繼續受重視。」
由台灣返港的余思霆透露將獲安排拍劇，暫時不會再離港，跟前度朱敏瀚豈不是能愛火重燃？她說：「大家暫時係朋友。（會復合？）之後嘅嘢唔知，依家大家專注工作。」她直認返港後與舊愛見過面，也知對方因接觸過確診者，所以缺席台慶夜。她身穿的晚裝是2017選「華姐」時着過，足見其身材沒有走樣，她說：「條裙仲鬆咗添！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
