欣宜自爆俘虜「教主」王君馨小別勝新婚趕進度造人？

歌手鄭欣宜最近與「教主」Anson Lo合作開騷，談到對方胃部不適，她指有互相打氣，並笑說：「我覺得佢愛上咗我！」同場的王君馨則表示與老公分隔異地多時，返港後即全天候慰夫！

鄭欣宜、王君馨及周勵淇前晚悉心打扮，在尖沙咀出席藝術展亮燈儀式。穿紅色晚裝的周勵淇工作時仍心繫兒子，希望帶兒子前來「打卡」。而欣宜受訪時被問到在鐘樓的浪漫回憶，她說：「浪漫就冇，但有好多深刻印象，好似做舞台劇每日都會坐小輪嚟綵排都會經過，第一次入圍金像獎都喺文化中心。」愛浪漫的她自言相當易氹：「浪漫嘢好多，同埋我好容易滿足，最緊要有得食！」問到可有慰問日前一起開騷時胃痛的Anson Lo？她笑說：「佢OK呀，我哋都有互相加油，我覺得佢愛上咗我！」

呻冇錢自資出歌

至於王君馨到內地工作拍電影、綜藝節目、廣告，又為新歌錄音，與老公分隔兩地足足10個月，完成工作後即到外地旅遊補償，她表示回港後留家黐實老公，小別勝新婚。講到好姊妹鍾嘉欣已誕下第3胎，問她何時展開造人大計？她說：「依家睇緊泰國、美國兩個劇本，睇吓拍唔拍得成先，如果唔啱就做其他嘢先，都有好多嘢可以做嘅。」

即將推出新歌的她表示之後會暫停自資出歌，因為新歌製作花了6位數，笑言沒錢再自資出歌。對於離巢後在《超能使者》宣傳中被消失，她說：「明白嘅，因為我都唔喺公司，用番自己嘅方式去宣傳囉。」