劉佩玥讚姦夫身材正 劉穎鏇多人Like獲睇好捧「飛躍獎」

由陳展鵬、唐詩詠及陳山聰等主演的無綫台慶劇《超能使者》連日來的劇情有不少謎團，昨晚一集謎底終被解開！原來展鵬有精神問題，幸福家庭只是其幻想，他更被「姦夫」郭子豪刺激到跳樓，而詩詠為救展鵬身亡，激發他啟動時光倒流的新異能救活對方。

前晚陳展鵬、劉佩玥（Moon）及劉穎鏇等出席劇集飯局，劉穎鏇自言角色的服裝相當迷你，見到戲服自然會努力瘦身及節食，問到是否知道網民的評價？她說：「應該都好鍾意呢個角色。（台慶有機會攞飛躍進步獎？）好多人都咁講，聽到觀眾話我進步咗已經好開心。」

對於有「超能使者」會死，展鵬笑言若其角色在第12集就死，真的稱得上神劇，自爆不會這麼容易死，後續還有故事。提到他撞破劇中太太Moon與郭子豪的姦情，他大讚郭子豪演得好兼身材正，Moon附和：「佢嘅上圍仲勁過我，佢贏咗！」她指劇中所有演員的身形都弗到爆，故自己也不能輸蝕，而且她與郭子豪的床戲也需要微露：「我比起《美麗戰場》瘦咗10磅。（現實中鍾唔鍾意肌肉男？）不論肥瘦，最重要係健康。」她稱經常被指在劇中叫「老公」時太過Sweet，展鵬以過來人身份說：「結咗婚就唔會咁叫，因為婚後女權至上，老婆叫我『喂』或者直接叫名。」