昔日東方苗條身形 只能回味 戴祖儀黐住青雲 懷念好時光
戴祖儀早前北上拍劇回港，身形暴脹，之後的起心肝減肥，可是因為貪吃，搞到體重持續邁向高峰，一對世界級肥美粗髀流連不去。回憶總是美好，祖儀緬懷昔日的瘦身形，日前在社交網上載一段成長短片，剪輯了多張學生時期兼從未曝光的舊相，當時她才16歲。
片中，素顏的祖儀單眼後，鏡頭一轉就是與劉青雲的合照，只見她穿上校服紮起馬尾，站在青雲身邊露出甜笑，不少網民留言大讚她好Pure好True，有人更表示：「青雲都被你迷倒」、「瘦瘦的你俱往矣」，認真搞笑。
林盛斌籲提防騙徒
緬懷完畢，前晚祖儀重回現實，與林盛斌（Bob）及劉佩玥出席無綫台慶節目《唔玩唔知有獎攞》直播，Bob日前於社交網發文踢爆有騙徒冒充他，以短訊形式向他人聲稱與品牌合作，望從中圖利，他受訪時說：「其實類似嘅例子成日都有，如果你冒充我同粉絲傾吓偈我都算數，但今次真係過分，諗都唔諗就出啲咁嘅post，所以我呼籲大家接到嘅話，就真係要小心嘞。（有冇人上當？）我諗冇啩。」
戴祖儀則表示曾試過有人冒充她，於社交網與人聊天：「突然接到個粉絲私訊，話頭先同我傾得好開心，搞到我一頭霧水。」當問到小時候有否「上過當」？她說：「試過有人打嚟叫我攞郵包，但問咗我好多資料，最尾仲問我攞信用卡，嗰時讀緊書冇呢樣嘢，先冇被呃。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
