曾比特提續約懶神秘炎明熹學定忍笑有「鼻」無患

樂壇小天后炎明熹及歌手曾比特昨日綵排台慶節目，會跟兩大「扮嘢王」王祖藍、李思捷合作，炎明熹自爆忍笑大法是只望對方的鼻。至於早前傳被環球唱片冷待的曾比特一口否認，更以「機密」為由拒絕透露是否已續約。

炎明熹與曾比特昨日為台慶節目綵排，早前在內地逗留多時、參加真人騷《披荊斬棘》的曾比特自爆返港後，第一時間去修髮及吃格仔餅，又自稱比之前消瘦，因早晚都有運動所致。

對於早前有傳不滿被所屬公司環球唱片冷待，他澄清表示於內地工作時有經理人陪同：「公司有提供支援，上節目都有好多前輩幫我，同公司一向有溝通，我滿意公司安排。（有冇呻過？）只係呻喺內地冇格仔餅，大家都知我鍾意食嘢！12月已有工作安排，包括出單曲同埋有樓盤廣告，會Keep住雙線出國語同廣東歌，畀每個鍾意我嘅人有交代，唔好令大家失望。（你續咗約？）機密，唔透露。」談到早前有多位歌手離開環球，他表示只知雙方理念不同，未有鬧得不愉快。

幫好友改花名

而炎明熹笑言自從節目《聲生不息》後，昨日才再見曾比特，認為對方比前消瘦，不變的是爆炸頭。對於要跟王祖藍及李思捷兩大搞笑能手合作，她直言不擔心兩人扮她：「唔會嬲，佢哋可以唔用假髮，用眼線筆畫Bar Code頭。我擔心會忍唔住笑，朋友教我只望佢哋個鼻，但我好驚佢哋呼吸時撐大個鼻窿，令我忍唔住笑。」另外，日前她與好友姚焯菲（Chantel）、鍾柔美（Yumi）及詹天文等錄影《思家大戰》，她介紹隊員出場時起「花朵」，分別是「小可愛精Chantel」及「小迷人精Yumi」等。