黃宗澤拍「潛水」戲偷雞

黃宗澤於無綫劇集《法證先鋒V》中為查案以身犯險體驗「氮醉」，並驚現「八爪魚幻覺」。該幕約一分鐘的場口，他與工作人員在綠幕前卻忙了幾個小時，他要吊威吔凌空做出踢腿動作之餘，又要被工作人員吊起「左揈右揈」，見他落地時滿面通紅，問到是否很辛苦？他說：「八爪魚嗰場戲，有啲鏡頭仲係幕後工作人員着咗綠衫幫手將我揈嚟揈去，除咗我辛苦，佢哋都好辛苦。雖然呢個場口係好考腰力同體力，但都係幾得意嘅經驗。」他續指水底戲拍足一整天，最辛苦是要「偷雞抖氣」：「我咬住個呼吸器雖然係真，但因為冇氧氣喺入面，加上個眼罩吸住咗個鼻，用鼻呼吸唔到，所以都幾辛苦。我成日都要打開少少個嘴角，喺唔穿崩情況下偷雞抖氣。」