《飯戲攻心》搬上舞台周國賢接棒做大佬

由張繼聰及鄧麗欣主演的電影《飯戲攻心》票房成功衝破7,500萬，導演陳詠燊近日決定將故事改編搬上舞台，卡士卻有所不同！舞台劇版由周國賢接棒扮演大佬，二佬一角則由梁仲恆頂替張繼聰飾演，至於鄧麗欣扮演的Monica則換上廖子妤。

舞台劇將於明年2月17至25日公演，戲迷下月已可率先訂票。據悉，舞台劇版將圍繞電影版本的故事骨幹，然而所有人物性格設定將會有所改動。今次乃廖子妤首次正式演出舞台劇，她坦言心情分外緊張：「其他演員都有好豐富嘅舞台經驗，希望到時佢哋可以就吓我。今次我係自薦嘅，接獲通知先知道自己變咗演Monica，相信會好好玩。」周國賢則表示：「好期待呀，大家到時可以拭目以待，不過改編版本依然係搞笑兼溫馨嘅。今次合作嘅演員有啲係新朋友，希望睇吓能唔能夠擦出新嘅火花！」