同居「密友」又錫又搣 周星馳收養棄犬 凌凌漆有伴

周星馳不時跟網友互動，昨日他更公開同居「密友」，在社交平台分享多張與愛犬的合照，並指愛犬名叫Kio，代號「凌凌玖」，這個名字不期然令人聯想到電影《國產凌凌漆》，他亦搞笑發文：「唔係洞庭湖草頭鄉上陽村村口嗰隻。」

除了搞笑留言，之前公開招募Web3.0人才的他又留言：「唔知道寵物+web3有冇得搞呢？」明顯是玩《少林足球》對白，似「預告」有新大計。從相片中可見他對Kio又錫又搣，相當肉緊，明顯很疼錫愛犬。

周星馳在社交網與Kio大玩搞笑互動，Kio更戴上電影《食神》的黑超，狀甚招積，據知Kio是棄養寵物，而周星馳多年來都有收養流浪狗，早前得知Kio主人棄養，就決定領養，令Kio有棲身之所。原來早年拍攝電影《功夫》時，亦有流浪狗常在片場流連，周星馳見牠經常捱餓，狀甚可憐，所以亦有收養，並取名「功夫」，相當有愛心！