孖小惠重現《皆大歡喜》 薛家燕感動到喊

薛家燕與梅小惠昨日在將軍澳電視城為台慶「唱遊SITCOM元宇宙」項目錄影。她們在處境劇《皆大歡喜》合作無間，並將在台慶重現經典，小惠爆節目錄影時對方更感動到喊，薛家燕說：「因為諗番起當年大家互相支持、關懷，好多回憶。」她又指《皆》劇比《真情》所賺更多，主題曲至今仍街知巷聞，連她的孫仔也在唱。問到是否因而買了很多樓？她說：「冇計過，不過淨係大家周圍演出都幾百場。」小惠則笑說：「我哋就冇樓，淨係得衫鈕。」薛家燕今日會起程到馬來西亞登台，回港後又將到美國走埠，小惠取笑說：「會唔會去埋新加坡探男友？乜原來美國都有呀！」又笑言如果對方的登台債還不清，她很樂意代勞。