Anton攬上身維護舊愛林欣彤

樂隊ONE PROMISE昨午出席簽唱會，吸引大批Fans捧場，今次是成員Anton與林欣彤宣布分手後首度亮相，見他心情不俗。問到分手心情，他說：「唔會完全冇事，但為咗保障雙方私隱，分手原因同時間唔會多講，再見亦是朋友。」他又發揮男士風度說：「你哋如果採訪佢，問題唔好太尖銳，要尖銳就尖銳我啦！（有機會復合？）我都唔知。」

另外，4子提到將於九展開騷：「會有Live Band，畀樂迷嘅驚喜勁過除衫！（即係點？）好似有洋葱位，重溫我哋夾Band嘅初心，相信會搞喊Fans。」適逢今日是Anton由鼓手轉職Rapper一周年的大日子，但他竟忘記得一乾二淨，要隊友提點才醒起。