張美妮被摑10巴 敷冰消腫

入行23年的藝人張美妮為無綫熱播劇《超能使者》獻出第1次，前晚劇情講述她與魯振順爭執時被掌摑及刀襲。張美妮稱拍攝當日捱足10巴：「真係大大力咁摑落嚟，所以都有啲痛，塊面腫晒紅晒。最怕唔係痛，而係面腫咗會唔靚，之後冰敷成個鐘先消腫。」她續說該場戲情緒起伏大，用盡全身氣力去演：「嗰日收工從來未試過咁攰。」