獨家消息：財務糾紛升級 樂宜狂接恐嚇電話 報警求助

憑34C「胸」猛身材成為新一代性感女神的樂宜，在DJ界享負盛名，在商界則是初哥一名，今年7月處女下海首次做生意，和「魔鬼胸」女神蔚雨芯（Rainky）合資開設醫學美容診所。當時樂宜稱一直想創業，遇上從事多年美容生意的Rainky後決定拍住上，想向對方取生意經。出錢又出力，樂宜更做診所代言人，拍攝大膽水着照。惟日前本報收到讀者爆料，指診所出現財務糾紛，有人要報警求助外，另有傳聞指有人趁Rainky不在港而欲另起爐灶，令她要立即從美國提前返港，並稱已交由律師處理，不作回應。一波未平，一波又起，本報收到消息，是次糾紛已升級，更令樂宜終日擔驚受怕。

據知情人士透露，診所共有4名股東，當中包括1名醫生。身為股東的樂宜、Rainky及其同學各投資7位數字，然而近日的財務糾紛仍未解決，樂宜更連番收到1名男子的恐嚇電話，粗言穢語，言詞有威脅性。樂宜踏足商界不到半年，不單要面對生意問題，更遭恐嚇，昨日她發文：「講你又唔聽，提你又唔信，依家咪瀨晒嘢囉！」似有苦衷。

本報昨日致電樂宜問及診所的財務糾紛，她只說：「一切已交由律師處理，唔方便作任何回應。（你同Rainky關係如何？）我哋冇乜嘢。（關於另起爐灶傳聞，擔心矛頭指向你？）冇啲咁嘅事。（收過恐嚇電話？）已經報咗警，唔方便講太多。」