羅毓儀拍喊戲搵影后教路

無綫劇集《下流上車族》感人爆喊位一浪接一浪，收視不斷上升，前晚一集更衝破25點收視，相當厲害。羅毓儀（Yuki）上演崩潰式喊戲，劇情講述她目擊爸爸林敏驄疑有外遇後大受打擊，情緒失控邊喊邊跑回家，跟住攬住媽媽江美儀及家姐郭柏妍狂哭，更不停說：「爹哋唔要我哋喇……」看到觀眾都喊埋一份。Yuki透露事前有向影后鮑起靜請教：「因為冇經歷過呢樣嘢，所以拿捏唔到個情緒應該去到邊，鮑姐話蔓蔓比較小朋友，遇到呢種情況感受比較大，所以會喊得比較勁，聽完鮑姐講再加埋自己想像，就代入到個角色。」而林敏驄再度攻陷觀眾「淚點」，昨晚大結局更有睇頭，實行以大團圓俘虜觀眾心。