惡補戀愛經驗 郭柏妍唔靠靚仔開齋

無綫台慶劇《下流上車族》是前港姐季軍郭柏妍入行以來最重戲份的一套劇集，與林敏驄及江美儀上演親情戲，與丁子朗更有感情線，角色相當立體。不過，對於沒戀愛經驗的郭柏妍而言，談情說愛可說是一大挑戰，惟有靠煲韓劇惡補：「依家啲韓劇包裝到好Sweet，好鍾意睇南柱赫，劇集包裝到佢係完美男朋友，唔會鬧交、淨係靚仔、講啲甜蜜說話，睇劇嘅時候會諗：『如果佢係我男朋友就好喇！』」

郭柏妍明白理想與現實的距離，所以揀男友不一定要靚仔：「咁又唔使似南柱赫，拍拖會睇性格，但係依家做演員時間唔定，開工好多時好似消失咗咁，未必個個接受，拍拖都要對方好明白我嘅工作性質。」她笑言煲劇的時候會很想立即拍拖，但返回現實就不會心急，順其自然。

半工讀完成港大碩士課程的郭柏妍有學識又有姿色，自然不愁冇人追，但原來她在學生時代並不起眼：「以前戴眼鏡，好鍾意食嘢，但係游水同埋標高之後瘦咗30磅，啲中學同學見到我去選港姐都覺得我改變咗好多，因為瘦咗同冇戴眼鏡，所以話每個肥妹都係潛力股。」