結婚10周年 張頴康彌補遺憾

藝人張頴康前日發文分享與麥雅緻慶祝結婚10周年，網晒錫太太和共享浪漫晚餐的照片。他指難得放下小朋友，兩夫婦可以享受拍拖樂，如玩遊戲機或夾公仔，又提到撐枱腳的酒店，他指結婚時因經濟問題，未能如太太所願在上址擺酒：「我老婆冇介意，要陪我喺一個負擔得起嘅地方舉行婚禮，仲將我哋嘅婚禮搞得好溫馨，好感動！所以，一個咁好嘅女仔，我點可以放過？」他感謝太太陪他度過高山低谷：「老婆，呢10年你走唔出我嘅魔掌，以後嘅日子，你都唔好妄想有機會喇！辛苦晒你照顧3個小朋友之餘，仲要成日照顧我嘅情緒！我愛你！餘生……請繼續指教！」