恨與賴慰玲演母子 張振朗黐鬚失威 驚變鹹濕佬

陳展鵬、陳山聰、張振朗、劉穎鏇及賴慰玲等，昨日為《萬千星輝賀台慶》錄影大型序幕歌舞。振朗與賴慰玲分別飾演兩大幫派的首領，兩人特別黐上假鬚增添威嚴感覺，但賴慰玲取笑振朗似鹹濕佬！

振朗表示2019年與賴慰玲演出《反黑路人甲》後未有合作：「好想再合作呀！希望監製今次睇完後，考慮開套劇或者綜藝畀我哋玩吓，同佢做乜都冇所謂，做兄弟甚至母子都冇問題，哈哈。」賴慰玲則要求公司開藝人版《CP訓練營》，由她親自訓練振朗與其他藝人成新螢幕情侶。

至於代表《超能使者》的陳山聰表示，以劇中各人的異能拯救TVBuddy：「有打嘅戲份。」劉穎鏇即笑言有很大驚喜：「我以為打嘅戲係畀晒佢哋，點知武術指導話我都要踢腳。」問到跳舞還是打戲較難？他們笑言可能導演知他們跳舞「一般」，故安排了簡單舞步。談到外間對《超》劇反應不俗，陳山聰表示與劇情多元化有關：「好多人最初以為係純搞笑，其實仲有好多催淚場面。」問到若收視好會否有「找數」行動？劉穎鏇提議陳山聰穿「彩虹戰衣」跳艷舞，男方即反擊要求她再穿三點式！