醉酒再演「安屎之亂」 安芭疑當街便溺 鄰居下驅逐令

尊尼與安芭的誹謗官司中，曾爆出安芭於2016年一次爭執後在睡床上大便，她作供時否認，聲稱大便來自寵物小狗，不過網友仍替她取諧音花名「Amber Turd」（安芭大便）。今年6月，尊尼的美國官司大勝後，安芭潛水數月，9月底曾被拍到在西班牙現身，與同性密友Bianca Butti帶同由代母所生的1歲女兒Oonagh行街，並在遊樂場玩鞦韆。

安芭日前疑似被拍得於當地夜蒲後當街大便，網紅Joseph Morris表示收到西班牙網民報料：「安芭尋晚醉住咁返歸，大叫大嚷。啲鄰居都好憎佢，佢成日飲酒同夜蒲，完全破壞晒我哋小鎮嘅氣氛。對我嚟講，佢係好癲，因為佢應該係有個小朋友要照顧。是咁的，今朝我喺佢屋企附近條街，見到似係人嘅大便，然後，閉路電視鏡頭真係捕捉到佢踎低屙屎！我哋想佢躝！」從畫面模糊的影片中，可以看到一名疑似是安芭的女性當街大便，而她身旁還有兩個友人全程望住。不少網民認為片中人是安芭本人，認為事件變相令尊尼的指控變得更為可信，印證她的確有周圍屙的怪癮！