開10場聖誕跨年騷 張敬軒「包機」造勢

張敬軒之前完成共26場20周年紅館演唱會後，應歌迷要求再開騷，昨日宣布將於12月20至1月2日期間假會展舉行共10場《Revisit》個唱，陪歌迷共度佳節。日前他「包機」拍攝宣傳海報，一身Party Look營造節日感，帶歌迷由之前的紅館「起飛」，他說：「我今次『飛』灣仔，交通好方便，因為有東鐵線，哈哈！」

軒仔因疫情關係已3年沒坐飛機，故身處機艙場景有陌生的感覺，又直言恨旅行，打算完騷就出走，不過留港亦不錯：「呢3年大家睇多咗香港好多靚風景，疫情都教會咗我哋好多嘢，人同人之間相處、回憶變得好珍貴。」

對於1年內舉行2次大型個唱，他表示：「歌迷話我仲有好多歌未唱，仲想聽，所以見時間又OK，好多方面都配合到，咪決定一齊為呢個20周年寫上一個完美句號。」個唱以《Revisit》為主題，他說：「意思係舊地重遊，呢個演唱會會用我嘅歌帶領大家一起重溫20年嘅回憶。對人、對事、對青春一齊遊歷一次，相信歌迷同我一樣，會有好多回憶。」

今次演唱會場地有變，舞台亦由4面台變成3面台，軒仔表示：「都係大製作、重成本，音響方面，保證每個觀眾會有聽覺上最高享受，連視覺上都會覺得好靚。聖誕、新年係開心嘅日子，唔會似上個騷咁Heavy，會歡樂好多！」另外，他之前曾預告今次是「Side Track」騷，不過屆時亦會獻唱經典好歌。