周嘉洛爭視帝零信心陳瀅趕收身鎖定最佳衣着獎

陳瀅與周嘉洛昨日為台慶錄影歌舞表演，陳瀅狂食近一個月生日飯，搞到「幸福肥」，為冧莊台慶頒獎禮的「最佳衣着藝人」獎，她誓努力收身着靚衫！

劇集《痞子殿下》演員陳瀅、周嘉洛、王灝兒（JW）、朱敏瀚及麥美恩，昨日在將軍澳電視城錄影台慶大型序幕歌舞，談到台慶頒獎禮，陳瀅最希望冧莊「最佳衣着藝人」獎，無奈最近「幸福肥」，她笑說：「多得《痞子殿下》同《美麗戰場》嘅朋友，生日飯由10月中食到依家，仲以為着古裝唔覺添！」對於《新四十二章》趕及頒獎禮前播出，令龔嘉欣加入視后之爭，陳瀅說：「唔止，仲有幾套劇未播，仲有好多好演員，好期待。」

朱敏瀚一支公遊埠

周嘉洛力撐陳瀅封后，讚她狀態大勇，但講到角逐視帝，他說：「絕對冇信心，點爭？我好鍾意林敏驄《下流上車族》嘅演繹，反而想我哋4個攞組合獎。」而朱敏瀚每次着古裝也希望是最後一次，因要黐頭套，熱得想扯爛及掉了它，又透露《痞》續集預計明年3、4月開工，辛苦得來開心。而他本月底將與王敏奕拍攝新劇《虛擬情人》，故趁空檔獨自飛往英國旅行兼睇波，問是否與余思霆甩拖而散心？他說：「唔係，本身套劇10月開，但延咗期，時間太緊迫所以約唔到朋友，一直想自己去一次旅行，但有人陪係開心啲。」JW問他可有艷遇，他說：「我都想有，但冇。」

至於JW今年台慶不會表演唱歌，最期待抽大獎，對於新歌《FF》成為4台冠軍，她表示很鼓舞，正埋頭苦幹作新歌。