胞弟Aaron離世 Nick死頂開騷爆喊

美國男歌手Aaron Carter日前突然離世，其兄長Nick Carter驚聞噩耗後數小時，如期隨組合Backstreet Boys（BSB）在英國倫敦開騷，表演途中他突然狂哭，要由隊友擁抱安慰，場面感人！BSB演出期間亦為Aaron默哀。

另外，Nick與妹妹Angel分別於社交網悼念Aaron，Nick上載與弟弟的童年照，留言：「我嘅心已碎！雖然細佬同我曾有一段複雜關係，但我對佢嘅心從來冇變。我一直抱着希望佢終有一日能步上健康之路，並尋求佢最急切需要嘅幫助。有時候我哋每當失去嘅時候會責怪別人或事，但事實係成癮同精神病先係真兇，我比任何認識嘅人更懷念細佬。」