劉穎鏇踢得好睇 痠痛都抵

藝人劉穎鏇（Tiffany）於無綫劇《超能使者》大顯身手，拳打腳踢吸睛度十足！Tiffany受訪時稱拍攝時為應付最弱的High Kick，於不用埋位時便落力拉筋，好讓正式拍攝時能夠踢得更高更直，幸最終只NG了5次便收貨。提到拍攝期間要不停補妝遮掩手腳瘀痕，Tiffany認為絕對值得：「記得拍完第二日成身好痠痛，因為用咗平時完全冇練過嘅肌肉。雖然拍打戲係辛苦，但好多朋友都話估唔到我做到癲喪嘅一面，令我好有成功感。」