孭飛片票房失利 甄子丹豁達面對：人生總有高低

「宇宙最強」甄子丹與太太汪詩詩昨晚出席慈善晚宴，子丹透露早前放下手上工作，到羅馬會合老婆與兒子旅行，近期則忙於為電影《天龍八部之喬峰傳》進行後期製作，問到拍古裝片是否特別辛苦？他說：「呢套係特別有難度，因為故事題材大家都好熟，要將小說濃縮入去電影要花好多技巧。」他笑言打到飛起，若果葉問是「一打十」，喬峰則是「一打一百」，加上過往很多藝人演過喬峰，故團隊花了不少心思，希望能將他一貫的武打風格融入角色。

談到最近多部港產片票房大賣，他坦言未有時間觀看，但覺得是好事，認為只要用心拍的電影，觀眾會入場支持。提到他監製兼主演的電影《搜救》在內地上映逾一個月，但只得約2,000萬人民幣（約2,200萬港元）票房，他說：「電影好似人生咁，有高有低，作為電影人每次都豁出去嘗試唔同題材同埋角色，票房就要睇天時、地利、人和，唔緊要，人生就係有高有低。（太少動作戲？）我都唔能夠分析，每個人睇戲都有佢嘅評價，各花入各眼，人生就係咁，有高有低，唔會失望。」汪詩詩亦力撐雖然只看過花絮片，但已覺得很感動。

同場的曾國祥離開香港近一年，到英國拍攝串流平台科幻劇《三體》，更與美劇《權力遊戲》監製合作，他表示學習了大製作的專業安排。問到回港後會否幫父親曾志偉拍劇？他說：「唔會，佢公司咁多導演，我哋一向分得好開，避免合作，佢亦都唔會開口叫我幫手。」與太太王敏奕分隔兩地多時，最近他帶太太到意大利度蜜月作為補償，但強調未有造人計劃。