容祖兒吉隆坡覓食博冇人認得

樂壇天后容祖兒趁疫情緩和，重啟本計劃於2020年開始的《Pretty Crazy演唱會》巡演，一口氣唱勻馬來西亞、溫哥華、大西洋城、拉斯維加斯及雷諾等地，當中馬國一站更帶同媽咪同行，寓工作於盡孝，她說：「好耐冇同媽咪去旅行，未上雲頂演出前，我哋喺吉隆坡走走，品嘗美食，諗住咁耐冇去，未必有人認得我啦！點知最後結果係……冇人唔認得我，哈哈！我係咪好傻？」

在雲頂開騷時，熱情歌迷令她眼濕濕，她說：「呢2年大家有咩變化？我冇乜點變，係咪？我彈琴彈來彈去嗰隻歌。」最終Encore 3首歌才完騷。她指舞台令她極速叉電，笑言落台後一無是處，所以需要舞台、掌聲及鼓勵。