鄭杞瑤翟司琳「瑜」臨大敵手震震空中展翅

「學霸甜心」鄭杞瑤（Kylie C.）曾為繽FUN星網節目《爆操女神》擔任星級教練，在新一輯節目中，她與在韓國《Asia Model Festival》Top 10 Model贏得冠軍的師妹翟司琳（C Lam.），跟瑜伽教練Cecilia學空中瑜伽。Cecilia教她們「大鵬展翅」，首次做空中瑜伽的Kylie畏高，經教練給予信心後才敢挑戰。

「內心好唔平靜」

Kylie與C Lam.先做空中打坐動作，教練不時提醒她們要保持笑容和心境平靜，Kylie笑言：「其實我內心好唔平靜。」之後她們反手捉實吊布，做出頭下腳上的動作，再在教練幫忙下，慢慢將手放在膝上，然後向後拉緊吊布，挺胸收腹做「大鵬展翅」動作，事後Kylie大呼手震兼冇力，十分搞笑。

Kylie表示：「來回地獄再折返人間咁，情緒好澎湃，特別倒轉嗰吓，我個身震緊，隻手因為捉得太緊，放唔番出嚟。」C Lam.亦笑言：「好似好平靜咁，內心其實非常之緊張。」教練表示此動作有助打開髖關節和心口，解決都市人寒背問題，以及低頭族令肩膊位太緊的人。