恨同張敬軒合作 任暟晴無懼比較 跟炎明熹學嘢

《聲夢傳奇2》冠軍任暟晴（Jasmine）憑甜美聲線及清純外表俘虜網民，比賽期間連續9星期登上人氣榜首。由於賽果受部分網友質疑，她坦言奪冠後未感開心：「決賽完之後外界好多評論，愈睇愈唔開心，好多人話我唔值得攞冠軍，我最唔開心嘅係大家見唔到我背後嘅努力。」幸而她獲粉絲力撐，走出情緒低谷：「睇完好多粉絲留言好感動，知道佢哋好在乎我。」

問到會否擔心網民將她與上屆冠軍炎明熹作比較？她認為在所難免，但自己不會跟別人比：「我哋風格好唔相似，我會向佢學習，佢好友善，同埋佢真係好火星人。」講到最想合作的歌手，原來她心儀去年短暫擔任《聲夢》主理人的張敬軒，可惜對方今屆未有參與，令她好夢成空。出道不久已灌錄個人歌曲及跟《聲夢》學員開騷的Jasmine，自言目標是繼續出歌，並視導師李幸倪為目標，大讚對方是女強人。

對於被封「新一代玉女歌手」及「Chantel接班人」，Jasmine拒絕被定位。她稱做歌手後最不習慣是出街被認出，在學校亦多了師弟妹粉絲：「食飯時有人會指住我或者要求合照，一開始覺得好奇怪，我喺學校係學生，點解會有人想同我影相？」