昔日東方麥美恩有仔埋身 諗定請飲！
黎諾懿及麥美恩昨日出席活動，被追問有關「百萬續約無綫」的消息，諾懿未有否認：「除開都係每個月4萬幾，我真係好抵用㗎！」問到是否取代C君做高層？他說：「位高權重唔啱我。（首個節目係咩題材？）未知，有個節目我好想做，但暫時保密，另外就係《滿足的味道2》。（有興趣染指劇集監製？）監製兼顧嘅嘢實在太多，我反而有興趣做劇集導演。」
至於麥美恩昨日冧爆表示在朋友介紹下認識了一位對象，並透露對方是圈外人：「唔想見家長住，況且嚟緊我又返加拿大喇！（帶埋佢去？）你哋嘅提議我會考慮，睇吓佢有乜反應，到時會請你哋飲嘅！（註埋冊返嚟？）加拿大冇咁快，要排期。（結婚即生？）可以，我個盆（骨）咁闊！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
