羅毓儀想捧「最佳劇集」 黃嘉雯泳衣施誘 激到「人妻」嗌死開

林敏驄、江美儀、鮑起靜、郭柏妍及羅毓儀等，昨日出席無綫台慶劇《下流上車族》宣傳活動，吸引逾200名粉絲撐場，當中阿驄獲粉絲舉牌支持，更高呼「撐車總做視帝」，而美儀父母及親友亦專誠到場支持。席間美儀與阿驄大放笑彈，先是阿驄與「新歡」黃嘉雯合照時叫美儀「死開」，對於要在嘉雯的泳衣和美儀的黑絲襪中二選一，阿驄秒速選泳衣，笑言皆因可放上網賣，更拿起泳衣把玩，美儀見狀想用泳衣笠阿驄的頭，場面搞笑。

對於劇集最高收視有26.8點，撼贏《獎門人》，問到可有致電曾志偉要他找數裸跑？阿驄笑說：「講笑啫！唔好咁認真。冇搵佢，反而打風第二朝佢一早傳短訊嚟報喜訊。（冇提佢裸跑？）冇呀，做人要厚道啲，費事得罪人，驚佢嬲！」提到現場有粉絲舉牌，他打趣說：「使咗好多錢㗎！輸人唔輸陣嘛！阿婆都整兩個嚟。（佢哋叫你做視帝喎！）咁咪當贏咗囉！」談到劇集進入結局篇，阿驄指身邊一班有追劇的朋友大表不捨，又預告將播出的劇情是從影以來最好睇，問到可會原班底開續集？他說：「志偉逃避緊我，呢單未找，又點有下一單呢？」

至於羅毓儀與鮑起靜劇中不乏對手戲，她透露拍攝時不時向前輩偷師，細心聽其演戲史：「好感謝鮑姐成日帶我入戲，我哋好有默契，好有婆孫感覺。」鮑起靜則讚她又乖又聰明，演戲感情豐富。被問到可有信心奪「飛躍進步女藝員」？毓儀說：「唔敢諗太多，反而希望攞『最佳劇集』，全部演員一齊攞獎最開心！」有指鮑起靜拍攝時毋須看Playback，她表示：「因為拍屋企得10日期，地方狹窄、天氣又熱，所以想大家盡快完成收工囉！」